تعرفى يا نورا
ايه معنى الحب ؟
زى ما قولتى انى ممكن احب انسان فى الله وده حب نقى جدا وغالبا ده بيبقى حب الانسان لاهله واصدقائه
اما الحب الثانى زى ما قولتى ( حب العشق والغرام ) اقولك
اولا انا مش معاكى ان فيه حب اول وحب تانى
الحكايه كلها ان الانسان ربنا زرع كل انواع الحب فى قلبه بتنموا بذره بذره
اول بذرة بتنموا حب الله
وثانى بذره بتنموا حب الاهل
وثالث بذره بتنموا حب الحبيب
وكلهم بيستمروا مع الانسان
من اول ما يتولد لحد ما يموت
وكتير قوى بيتمنى فيها الانسان ان حبه يدوم حتى بعد الموت
حب الحبيب
ده بيبقى حب ليه مميزات تانيه خالص وليه مشاعر تانيه خالص
تعرفى يا نورا ان الواحد بيحب حبيبه قبل ما يشوفه وقبل ما يعرفه
كل قلب ليه حبيب بيعقد يدور عليه فيه اللى بيلاقى حبيبه وفيه اللى بيعيش عمره كله يدور عليه
مش عارف اوصفهالك ازاى
عاوز اقولك ان الواحد ممكن يعرف حبيبه من مره يسمع فيها صوته مره واحده
وممكن من مره يقرا سطر من كلماته
وممكن من لمحة نظر يشوفه فيها
اجمل مافى الحب الاحساس
ان الواحد يكون حاسس ان ده حبيبه وعمر الاحساس ده ما بيكذب على صحبه
وصدقينى اذا قولتلك ان الاحساس ده برده هيقوله اذا كان حبيبه بيحبه ولا لا
من غير ما يساله ومن غير ما يكلمه كفايه انه يسمع صوته او يشوف عنيه
انا طولت عليكى بس والله العظيم ده اللى الواحد قادر يكتبه بس فى حاجات عمر القلم ما يقدر يوصفها او حتى ممكن تتكتب
اجوابك على سؤالك بقى
انا بتفق معاكى فى ان محادثات المسنجر او التلفون تكفى ان الواحد يرفرف فى سماء الحب
ولكن هل هو الحب الحقيقى ام انه وهم ؟
اللى هيجوب على السؤال ده هو قلب المحب ولو كان عنده 0000000000001.% شك من انه ده مش حبيبه يبقى مش ده حبيبه
طولت قوى معلش
يارب اكون قدرت اوصلكم حاجه من اللى انا حاسس بيها
شكرا لطرحك للموضوع ده يا نورا
الرئيسية 
