:!:
Made In China
بسم الله الرحمن الرحيم ... ده كابوس ... الحمد لله مفيش حاجة صيني هنا ...
هقوم اغسل وشي و افطر عشان ألحق الدوام ... بس يلا خليني أكلم ايمى و أهو بالمرة أحكيلها الحلم الوحش اللي لسه شايفه ...
ألو ، السلام عليكم
ألو ، و عليكم السلام و رحمة الله و بركاته ، ازيك يا نورا، عامله إيه ؟
الحمد لله ، نحمده و نشكره على كل حال ، أنا لسه شايف كابوس فظيع ...
خير اللهم اجعله خير ... كابوس إيه ده ؟
أنا امبارح بعد ما شفت إعلان فيلم " صنع في الصين "
فكرت هل بالفعل هو ده حالنا
والموضوع فضل شاغلني لحد م راحت عليا نومة
و بعدين
وأنا نايمه حلمت بتنين كبير أوي اسمه الصين
وافتكرت في الحلم كلام ماوتسي تونج الزعيم الصيني
لما إتسأل عن الصين في اعتقاده هتوصل للقمة في خلال
كام سنة فقال من 25 لـ 50 سنة
المهم وأنا نايمه
خير اللهم اجعله خير ... كملى
لقيت إني سيبت خلاص التربيه وحولت لجامعة القاهرة قسم صيني عشان ابقي مترجمه صينيه
للدرجة دي
أيوة مترجمه لشركات الاستيراد اللي مالية الوطن العربي وأكسب ذهب وأعيش بقي
وبالفعل نجحت في ده كله
وبقيت مترجمه صيني صيني
لا و الله
ومع الوقت فوجئت بأن كل حاجة عندي في البيت صيني
من الإبرة للصاروخ
ولما اشتريت عربية طلعت للأسف صيني
وباظت علي طول ولما روحت للميكانيكي لقيته بيقوللي : يا سيدتي الفاضله دي عربية صيني
أنت عايزاها تعيش معاكى العمر كله هي صالحة لمدة كام يوم وبس
رجعت بيتنا للأسف زعلانه ومقهوره يا عيني علي تحويشة العمر اللي راحت في عربية صيني
وقولت في عقل بالي يا ريت اللي جري ما كان
ربنا يعوضك خير يا نونو ... كملى
وبعد شوية لقيت إعلان لماتش الأهلي ومعرفش مين
ولم رحت الاستاد كانت المصيبة الكبيرة الأهلي صيني والمشجعين صينيين
لدرجة إني خلاص بقيت علي اخري
واضح إن الفيلم اثر فيكى جدا
رجعت علي البيت مليانه بالحسرة والمرارة
لقيت اختى بتقول إنها حامل فرحت قوي قوي والدنيا مكنتش سيعاني
وبعد تسع شهور جه المولود السعيد
وهو ده الكابوس الكبير قوي قوي اللي مقدرتش استحمله
حمادة المولود السعيد طلع صيني
لا
وصحيت من النوم وأخر حاجة كنت فاكره إني باعملها في الحلم
إني باجري وبقول
حمادة صيني حمادة صيني حمادة صيني
اللهم اجعله خير ، بس عارفه يا ايمى خايفة يجي يوم و يتحقق الحلم ده و يبقى واقع معاش ... و يبقى إحنا اللي فتحنا على نفسنا باب صعب نسده
تصدقي الصين بقت بلدنا الآن عارفة ليه ؟
ليه ؟
لأنها تغرقنا بمنتجاتها الجميلة والمميزة
ايوة هي فعلا جميلة و مميزة شكلا بس المضمون و التركيب حدث و لا حرج
ما هو عشان كده لازم نطالبها بتحسين صناعتها
لتتلاءم مع احتياجات أبنائها في المشرق والمغرب الإسلامي
صح معاك حق بتنا نشهد رواج و اكتظاظ الأسواق بالمنتجات الصينية بس أنا شايفة إننا من صنع لها هذا الرواج ... لأننا لا نشجع أبدا منتجاتنا المحلية التي تفوق بكثير المنتوج الصيني من حيث الجودة ... أو على الأقل تفوق جودة المنتوج الذي يصدر لنا ... و ما حصل أننا انبهرنا بالسعر المقبول جدا لهذه المنتجات ... وهذا ما جعل الإقبال عليها كبيرا جدا ... و عليه نحن من شجع تفشي الصناعة الصينية في وطننا العربي ... بل و نشجع الآن استقرارهم عندنا و دخولهم لسوق العمل في بلداننا من خلال البناء و ما إلى ذلك ... و عليه فتحنا أمام أنفسنا بابا للمنافسة ليس لها آخر ... فكيف نأتي اليوم و نطالبها بتحسين منتجها ...
معاكي حق ... بقينا بنتجه أكثر للمنتج الصيني و نبعد عن المنتج المحلي
أيوة و ده طبعا راجع لعدة أسباب مش كده و خلاص
أكيد عندك مثلا الميل لكل حاجة جاية من خارج البلد اللي عايشين فيها
فعلا على أساس انه أحسن من المحلي و اضمن ... إذا كان إحنا أنفسنا أبناء البلد - مهما كانت - مش بنثق في منتجنا المحلي ... نحب ازاي الأجانب يثقوا فيها
فعلا ، عندك كمان المنتج الصيني بتجيبه بسعر رخيص و ده بيخلي الناس تقبل عليه من غير ما تفكر في جودة المنتوج أو رداءته
ايوة صح ... الثمن المقبول جدا خلى ناس كثيرة تفضل تشتري منتج صيني على أن تشتري منتج محلي
و متنسيش سياسة الإغراء و دي بقى الأهم ، عارفة
نفرض مثلا أن منتج ما بيباع بخمسة مليم ويباع في الصين بنفس هذا السعر برضه
فتقوم الشركة بالعمل وفق مبدأ خسارة قريبة ولا فشل بعيد
تمام
وتقوم بضخ منتجها بكمية ضخمة جدا وبأقل من سعر التكلفة بكثير جدا
وبكده تجذب المستهلك لمنتجها وتقتل المنتج المحلي في عقر داره
بالضبط و ده اللي بتعتمد عليه الصين في دولنا العربية
مع مرور الوقت تنهار الصناعة المحلية لهذا المنتج وبالتالي يكون المنتج الصيني هو المنتج الأوحد في السوق
ويتاح للشركة المنتجة والمستوردة التحكم في سعر السلعة كما تشاء أو كما يقال الاحتكار للسلعة والتلاعب بالأسواق
فعلا ده اللي بيحصل و هيحصل لو متصدناش ليهم بتشجيع صناعتنا أو حتى منتجاتنا المحلية ... و أكيد لو حاولنا هننجح
معلش يا ايمى طولت عليكي ... و الموضوع أكيد مش هيخلص نقول إيه و لا إيه ...
عندك حق و الله ... الموضوع متشعب و أنا مش هطول عليك برضه
يلا خلي بالك من نفسك ، في أمان الله
حاضر و انت كمان ... في حفظ الرحمن
:باى:
الرئيسية 
